«  5-р сар 2018  »
ДаМяЛхПүБаБяНя
123456
78910111213
14151617181920
21222324252627
28293031

Геронтологийн үндэсний төв Медимпекс интернэйшнл ХХК-тай хамтын ажиллагааны санамж бичигт гарын үсэг зурлаа

Геронтологийн үндэсний төв Медимпекс интернэйшнл ХХК-тай хамтын ажиллагааны санамж бичигт гарын үсэг зурлаа.

Энэхүү хамтын ажиллагааны зорилго нь настны эрүүл мэндийг дэмжих, хамгаалах, настны нийгмийн амьдралд оролцох оролцоог нэмэгдүүлэх, нийгэм хамт олонд тулгуурласан сэргээн засалтын үйл ажиллагааг сайжруулах, эрүүл идэвхитэй аж төрөх зан үйлийг төлөвшүүлэхэд чиглэгдсэн үйл ажиллагааг сайжруулахад орших юм.

Санамж бичгийн хүрээнд дараах үндсэн чиглэлүүдэд хамтарч ажиллана:

·         Настнуудад эрүүл мэндийн боловсрол олгох, эрүүл аж төрөх зан үйлийг төлөвшүүлэх чиглэлээр мэдээлэл, сургалт сурталчилгааны ажлыг хамтран зохион байгуулах

·         Нийгэм хамт олонд тулгуурласан сэргээн засах үйл ажиллагааг дэмжих, хөгжүүлэх ажлыг хамтран зохион байгуулж ажиллах

·         Эмч эмнэлгийн мэргэжилтэн, сайн дурын идэвхитэн, настны асран хамгаалагч нарт төрөлжсөн сургалтыг хамтран зохион байгуулах

·         Сургалтанд зориулсан гарын авлага, сурталчилгааны материал бэлтгэх зэрэг үйл ажиллагааг хамтран зохион байгуулахаар боллоо.

Медимпекс Интернэйшнл ХХК нь 2017 оноос Эрүүл мэндийн V  бүлгийн хүнд өвчтэй, хэвтрийн настны нийгэм, сэтгэлзүйг дэмжиж, амьдралын чанарыг сайжруулах чиглэлээр Геронтологийн үндэсний төвтэй хамтран ажиллаж эхэлсэн.

 

 

 

Геронтологийн үндэсний төвөөс “Сувилахуйн тусламж үйлчилгээнд үйлчлүүлэгч үйлчилгээ үзүүлэгчийн эрхийг хамгаалъя” уриан дор олон улсын сувилагчийн өдрийг тэмдэглэн өнгөрүүллээ

“Сувилахуйн тусламж үйлчилгээнд үйлчлүүлэгч үйлчилгээ үзүүлэгчийн эрхийг хамгаалъя” уриан дор  олон улсын сувилагчийн өдрийг тэмдэглэн өнгөрүүлэх ажлын хүрээнд дараах ажлуудыг хийж гүйцэтгэлээ.Үүнд:

·         ОУ-ын сувилагчийн өдрийг угтаж “Гериатр сувилагчийн  нэг өдөр” үйл ажиллагааны хүрээнд  төвийн Гериатрийн кабинетыг олон улсын стандартын дагуу тохижуулж,  нээлтийн үйл ажиллагааны үеэр  төвийн ажилтнууд болон үйлчлүүлэгч нарт сувилагч нарнастны сувилахуйн тусламж үйлчилгээний талаар сурталчилсан.

·         Сувилахуйн багаараа гэрээр эрүүл мэндийн V-р бүлгийн хэвтрийн настнуудад настны эрүүл мэндийн үнэлгээ хийх ,  амин үзүүлэлтийг үзэх, иллэг хийх, дасгал хөдөлгөөн заах, цооролтын үеийн шарх цэвэрлэх, бүх биеийг хэсэгчлэн угаалга хийх зэрэг настны асаргаа сувилгааг хийсэн.

·         “Сувилахуйн тусламж үйлчилгээнд үйлчлүүлэгч үйлчилгээ үзүүлэгчийн эрхийг хамгаалъя” уриан дор Улсын 3-р төв эмнэлэг дээр зохион байгуулсан  олон улсын сувилагч нарын өдрийн үйл ажиллагааны үеэр төвийн олон мэргэжлийн багийн сувилахуйн тусламж үйлчилгээг  сурталчилж, “Локомотив хам шинж болон амьдралын хэв маяг хоорондын хамаарал”   судалгааг ханан илтгэлээр  танилцуулсан.

 

 

Орхон аймагт сургалт зохион байгууллаа

Геронтолгийн үндэсний төв, Орхон аймгийн Эрдэнэт үйлдвэр компанийн ахмадын нэгдсэн зөвлөл хамтран2018 оны04 дугаар сарын 25-ны өдөр ''Эрүүл насжилтын төлөө хамтдаа 2018-2020'' аяны хүрээнд зохион байгуулж буй сургалтын үйл ажиллагаа Уурхайчин соёлын төв ордонд амжилттай зохион байгуулагдлаа. Сургалтын нээлтийн үйл ажиллагаанд Геронтологийн үндэсний төвийн ЭШСА-ны насжилтын судалгаа хариуцсан мэргэжилтэн Б.Өлзийсайхан, Дасгалын сургагч багш, Эрүүл мэндийн статистик хариуцсан мэргэжилтэн Б.Хишигбаяр, Эрдэнэ үйлдвэр компанийн ахмадын нэгдсэн зөвлөлийн дарга Д.Байгал нар оролцлоо. Тус сургалтанд 1000 орчим настан хамрагдсан. Уг сургалтаар Дэлхий нийтийн насжилтын чиг хандлага, зуу насалсан хүмүүсийн туршлага болон эрүүл урт наслах боломжуудын талаар лекц уншсан.

 

 

 

“Геронтологийн үндэсний төв Япон улсын Тояама Нийгмийн Халамжийн Сургуультай хамтран ажиллах санамж бичиг”-ийг байгууллаа

МУ-ын Засгийн Газрын гишүүн, Эрүүл мэндийн сайд Д.Сарангэрэлийн Япон улсад хийсэн ажлын айлчлалын үеэр “Монгол Улсын Геронтологийн үндэсний төв болон Япон Улсын Тояама нийгмийн халамжийн сургууль хоорондын хамтран ажиллах санамж бичиг”-ийг байгуулсан юм.

Уг санамж бичгийн хүрээнд Геронтологийн үндэсний төв болон Япон улсын Тояама нийгмийн халамжийн сургууль хамтарч эрдэм шинжилгээ, судалгааны ажил өрнүүлэх, мэргэжилтэн солилцох, ажилтнуудыг сургалтанд хамруулах, хамтарсан хурал, симпозиум зохион байгуулах зэрэг боломжууд нээгдэж байна.

 Геронтологи-гериатрийн салбарын хүний нөөцийг өндөр хөгжилтэй оронд сургах, чадавхижуулахад ихээхэн ач холбогдолтой үйл явдал болж байгааг хоёр тал цохон тэмдэглэлээ.

Эрүүл мэндийн сайд Д.Сарангэрэл Япон улсад айлчлав

Эрүүл мэндийн сайд Д.Сарангэрэлийн Япон улсад айлчлал өндөрлөлөө. Айлчлалын үеэр “Монгол Улсын Геронтологийн үндэсний төв болон Япон Улсын Тояама нийгмийн халамжийн сургууль хоорондын хамтран ажиллах санамж бичиг”-ийг байгууллаа.

Тэрээр айлчлалын үеэр дагалдан яваа төлөөлөгчдийн хамт тус Улсын эрүүл мэнд, хөдөлмөр нийгмийн хамгааллын сайд Като Кацунобутай албан ёсны уулзалт хийж, хоёр талын хамтын ажиллагааны талаар харилцан ярилцаж, санал солилцжээ. Уулзалтын эхэнд сайд Като Кацунобу хоёр Улсын эрүүл мэндийн салбар дахь харилцаа, хамтын ажиллагаа эрчимтэй хөгжиж байгааг онцлов. Тэр дундаа сургалтын бааз эмнэлэг байгуулах болон техникийн хамтын ажиллагааны хүрээнд эрүүл мэнд нийгмийн хамгааллын чиглэлээр төсөл хөтөлбөрүүдийг амжилттай хэрэгжүүлж байгааг хэлж хоёр улсын эрүүл мэндийн яамд хоорондын хамтын ажиллагааны санамж бичиг байгуулах болсонд талархалтай байгаагаа илэрхийлэв. Үүний дараа эрүүл мэндийн сайд Д.Сарангэрэл Өвчтөний аюулгүй байдлын асуудлаарх Дэлхийн сайд нарын III чуулга уулзалтыг Ази тивд анх удаа зохион байгуулж байгаад талархал илэрхийлж, Япон Улсаас үзүүлж буй тусламж дэмжлэг, техникийн хамтын ажиллагааны төсөл хөтөлбөрүүд нь Монгол Улсын эрүүл мэндийн салбарын хөгжил, хүн амд үзүүлэх эрүүл мэндийн тусламж үйлчилгээг сайжруулах, эмч мэргэжилтнүүдийг чадваржуулах, шилдэг тэргүүн туршлагаас суралцахад дорвитой хувь нэмэр оруулж байгааг онцлон хэллээ.

 

 

Зарлал

Геронтлогийн үндэсний төв дараах ажлын байруудад ажилтан шалгаруулж авна.

-Нүдний эмч

-Ревматологийн эмч

-Зүрх судасны эмч

Бүрдүүлэх материал:

-Төрийн албан хаагчийн анкет

-НДД-н хуулбар

-Иргэний үнэмлэхний хуулбар

-Мэргэжлийн үнэмлэх

-Бакалаврын диплом

Холбоо барих утас 99075452, 350802